A Drug Awereness - Information - Campaign
Registration no. 2015/352541/08
"EXCELLENT LIFE PRODUCTION NPC"
GEBEDE (Afrikaans)
Almagtige Vader
Alles wat ons het, alles wat ons is, is net genade
Wat ons besit is net geleen, geskenke uit U hande
U wat ons so goed ken...ons sit en ons staan
Ons drome ..... ons ideale...ons begeertes.....ons gesindhede
Dankie dat U ons liefhet en self gekies het
Dankie dat U met ons geduldig is en oor ons waak
Selfs wanneer ons slaap
Maak en hou ons trou.....getroue Heer
Help ons om U verordeninge met respek en eerbied te onderhou
Dankie vir U vergifnis....Dankie vir soveel nuwe kanse
Dankie dat U ons nie net roep nie maar ook toerus
Dankie dat U ons nie net stuur nie maar ook saam met ons gaan
Bewaar ons nou Heer,van afdwaling en eiewilligheid
Laat ons leef....laat ons liefhe
Laat ons vergeef soos U dit wil he
Kom....Gees van YHWH.....kom en lei ons....oortuig ons.
Kla ons aan wanneer ons oortree
Reinig ons Here, vorm en maak ons ....al maak dit soms seer
Glansryke Majesteit.....laat U Lig oor en in ons skyn
U genade en vrede ons bybly
Vergeef ons, grote Heer, ons sonde en versterk ons deur U Gees
Laat ons vergewe soos U ons leer
Seen elkeen van ons geliefdes.....Seen ook elkeen van ons vyande
Verlos ons van die woede en verwoesting van die bose
Laat U Gees saam met ons wandel
In Jesus se kragtige mooi Naam bid ons Vader en dank U daarvoor
Amen
~ Anoniem ~